პალიტრა

დაბადებიდან უცნაური საქმე მხვდა წილად... ვინ მარგუნა ეს საქმე და ვინ დამავალა მასზე პასუხისმგებლობა არც არავინ იცის და მითუმეტეს არც მე მიკითხავს... ფაქტია ვასრულებ უხმოდ... აუღელვებლად... მიჩვეულად... შინაურულად...

პალიტრა... აჭრელებული... უკვე გაჭუჭყიანებული... ამღვრეული... - სწორედ ამ პალიტრის განახლება... შეფერვა... დასუფთავება... არა და ამას აწი რაღა დაასუფთავებს... და თანაც ისე რომ არავინ მითითებს რომელი ფერი არის საჭირო...

ხო და მეც ვამატებ ფერებს... ზოგი ძალიან ყვირის... ზოგიც უბრალოდ სვრის, ისე რომ არავინ არაფერში იყნებეს ისეთი უშნო და მკვდარია... უბრალოდ ფერია და უბრალოდ ისიც ისე დავიტანე იმ ფერების გვერდით, რომ არც მე მიკითხავს მისთვის უნდოდა თუ არა მათ გვერდით ყოფნა და მათთან შეზავება... არა და ხან როგორ მელამაზება იმდენი ფერის ერთად დანახვა... ხან კი როგორ აიმღვრევა და როგორ უშნოდ დაილექება ხოლმე ერთი ფერი მეორეზე, ისე რომ აღარც გაზავება და აღარც სხვა ფერთან „დაზავება“ უშველის არაფერს...